எப்போதும் பசிச்சிக்கிட்டே இருக்கா? அதுக்கு இந்த 9 விஷயங்கள்தான் காரணம்

போதுமான அளவு தண்ணீர் குடிக்காதபோது, ​​உடல் தாகத்திற்கும் பசிக்கும் இடையில் குழப்பமடைகிறது. அதிகப்படியான பசிக்கு நீரிழப்பும் முக்கிய காரணமாக இருக்கலாம். உடலுக்கு திரவம் தேவைப்படுவதால் இவ்வாறு நிகழ்கிறது. இதை மக்கள் தவறாகப் புரிந்துகொள்கிறார்கள்.

அதிக கார்போஹைட்ரேட் உணவும் ஒரு காரணமாக இருக்கலாம். சர்க்கரை நிறைந்த கார்போஹைட்ரேட்டுகள் உங்கள் இரத்த சர்க்கரை அளவை அதிகரிக்கின்றன. இரத்த சர்க்கரையின் ஏற்ற இறக்கம் பசி ஏற்படுவதற்கு முக்கிய காரணமாகும்.

மிகக் குறைவாகச் சாப்பிடுவது, பட்டினி கிடப்பது ஆகியவை சீரான இடைவெளியில் உணவுக்காக ஏங்க வைக்கும். டயட் சோடா குடிப்பதும் பசியை அதிகரிப்பதாக ஊட்டச்சத்து நிபுணர்கள் கூறுகிறார்கள்.

இரவில் நல்ல தூக்கம் வரவில்லை என்றால், பசியைத் தூண்டும் ஹார்மோனான கிரெலின் அளவு அதிகரிக்கும். தூக்கமின்மை உங்களை மேலும் சோர்வாகவும் பலவீனமாகவும் உணர வைக்கும். பின்னர் உடல், ஆற்றல் அளவை அதிகரிக்க தீவிரமாக முயற்சிக்கிறது. எனவே உங்களுக்கு அதிகமாக பசி எடுக்கும்.

சாப்பிடும்போது - டிவி பார்ப்பது அல்லது பேசுவது என கவனம் சிதறும்போது உங்களுக்கு வயிறு நிரம்பிய உணர்வு ஏற்படாது. நீங்கள் வழக்கமான உணவைச் சாப்பிட்டாலும், வயிறு நிரம்பியதாக உணர மாட்டீர்கள். இதனால் விரைவில் பசி எடுக்கத் தொடங்கும்.

எப்போதும் பசியுடன் இருப்பதற்கு மருத்துவ காரணங்களும் முக்கிய காரணமாக இருக்கலாம். நீரிழிவு நோய், இரத்தச் சர்க்கரைக் குறைவு (குறைந்த இரத்த சர்க்கரை) மற்றும் ஹைப்போ தைராய்டிசம் ஆகியவை நீங்கள் அடிக்கடி பசியுடன் இருப்பதற்கான முக்கிய காரணங்கள் ஆகும். உணர்ச்சிவசப்பட்டு சாப்பிடுவது இயல்பானது என்றாலும், இது நிச்சயமாக கவலைக்குரிய பிரச்சனை. தனிப்பட்ட பிரச்சனையாக இருந்தாலும் சரி அல்லது தொழில்முறையாக இருந்தாலும் சரி, மன அழுத்தம் பசிக்கு நேர் விகிதத்தில் செயல்படுகிறது.