பிப்ரவரி முதல் வாரத்தில் ‘விஜய் 67’ அப்டேட்: லோகேஷ் கனகராஜ் தகவல்

கோவை: எதிர்வரும் பிப்ரவரி முதல் வாரத்தில் நடிகர் விஜய்யின் அடுத்த படமான ‘விஜய் 67’ அப்டேட் கிடைக்கும் என அதன் இயக்குநர் லோகேஷ் கனகராஜ் தெரிவித்துள்ளார். கோவையில் உள்ள தனியார் கல்லூரியில் நடைபெற்ற மைக்கேல் பட புரொமோஷனில் அவர் இதனை தெரிவித்திருந்தார்.

தமிழ் திரைத்துறையின் உச்ச நடிகர்களில் ஒருவர் விஜய். அவரது நடிப்பில் பொங்கலுக்கு வாரிசு படம் வெளியாகி உள்ளது. இதை அடுத்து மாநகரம், கைதி, மாஸ்டர் மற்றும் விக்ரம் படங்களை இயக்கிய லோகேஷ் கனகராஜ் இயக்கத்தில் விஜய் நடிக்க உள்ளார். இந்தப் படத்தை செவன் ஸ்க்ரீன் ஸ்டூடியோ தயாரிக்கிறது. இந்தப் படத்தின் அப்டேட் குறித்த எதிர்பார்ப்பு ரசிகர்கள் மத்தியில் அதிகம் இருந்து வருகிறது.