in

100+ நாடுகள், 10 லட்சம் டிக்கெட்டுகள் விற்பனை – மாஸ் காட்டும் ஷாருக்கானின் ‘பதான்’


ஷாருக்கான் நடிப்பில் புதன்கிழமை வெளியாகும் ‘பதான்’ இந்தியப் படங்களிலேயே அதிக திரைகளிலும், நாடுகளிலும் திரையிடப்படும் முதல் படம் என்ற பெருமையை பெற்றுள்ளது.

சித்தார்த் ஆனந்த் இயக்கத்தில் ஷாருக்கான் நடித்துள்ள ‘பதான்’ திரைப்படம் வரும் ஜனவரி 25-ம் தேதி திரையரங்குகளில் வெளியாகிறது. ஆதித்யா சோப்ரா தயாரித்துள்ள இப்படத்தில் ஷாருக்கானுடன் தீபிகா படுகோன், ஜான் ஆப்ரகாம், டிம்பிள் கபாடியா உள்ளிட்டோர் முக்கிய கதாபாத்திரங்களில் நடித்துள்ளனர்.

யாஷ் ராஜ் தயாரிப்பு நிறுவனத்தின் 50-வது படமாக இந்தப் படம் உருவாகியிருக்கிறது. அண்மையில் வெளியான இப்படத்தின் ட்ரெய்லரின் தமிழ் பதிப்பை நடிகர் விஜய் வெளியிட்டிருந்தார். அதற்காக நடிகர் விஜய்க்கு, ஷாருக்கான் நன்றியும் தெரிவித்திருந்தார். இவை பதான் ஸ்பெஷல் தகவல்கள்:

  • 100-க்கும் மேற்பட்ட நாடுகளில் வெளியாகும் முதல் இந்தியத் திரைப்படம்.
  • புக் மை ஷோவில் முன்பதிவில் 10 லட்சத்துக்கும் அதிகமான டிக்கெட்டு விற்பனை நடந்துள்ளது.
  • பிவிஆர், ஐநாக்ஸ் திரையரங்குகளில் நேற்று வரை படம் 4.19 லட்சம் டிக்கெட்டுகளை விற்பனை.
  • இந்திக்கு அடுத்தபடியாக பதானின் தெலுங்கு பதிப்பில் அதிக முன்பதிவு டிக்கெட் விற்பனை நடந்துள்ளது.
  • டிக்கெட் விற்பனையில் 30 சதவீதம் தென்னிந்தியாவில் இருந்து வந்துள்ளது.
  • சைபீரியாவில் உறைந்த பைக்கால் ஏரியில் பதான் படமாக்கப்பட்டுள்ளது.அங்கு படமாக்கப்பட்ட முதல் இந்தியப் படம் இதுவாகும்.
  • வெளிநாட்டில் மட்டும் 2500-க்கும் அதிகமான திரைகள்; இந்தியாவில் 5000-க்கும் அதிகமான திரைகளில் படம் திரையிடப்படுகிறது.
  • காலை 6 மணி காட்சிகள் கொண்ட முதல் ஷாருக்கான் படம் இது.
  • முதல் நாள் இந்தியாவில் மட்டும் படம் ரூ.45- 50 கோடி வரை வசூலிக்கும் என கணிக்கப்பட்டுள்ளது.
  • ஐசிஇ (Immersive Cinema Experience) ஃபார்மெட்டில் வெளியாகும் முதல் இந்தியத் திரைப்படம். ஐசிஇ என்பது சிறந்த திரையனுபவத்தைக் கொடுக்கும் தொழில்நுட்ப வடிவம் என்பது குறிப்பிடத்தக்கது.

What do you think?

Legend

Written by Hindu Tamil

Content Author

Leave a Reply

GIPHY App Key not set. Please check settings

தனுஷ் செய்த காரியத்தால் பிரபல இயக்குனருக்கு வந்த சிக்கல்… இதெல்லாம் சினிமாவுல சகஜமப்பா!!

குடியரசு தின விழா சிறப்பு விருந்தினர் | டெல்லி வந்தடைந்தார் எகிப்து அதிபர் அல் சிசி