15 ரன்கள் வரை குறைவாக எடுத்துவிட்டோம்: தோல்வி குறித்து இலங்கை கேப்டன் அசலங்கா கருத்து

துபாய்: வங்​கதேச அணிக்​கெ​தி​ரான போட்​டி​யில் 10 முதல் 15 ரன்​கள் வரை குறை​வாக எடுத்​து​விட்​ட​தால் தோல்வி கண்​டோம் என்று இலங்கை கிரிக்​கெட் அணி​யின் கேப்​டன் சரித் அசலங்கா தெரி​வித்​தார்.

ஆசிய கோப்பை கிரிக்​கெட் போட்டி டி20 வடி​வில் ஐக்​கிய அரபு அமீரகத்​தில் நடை​பெற்று வரு​கிறது. நேற்று முன்​தினம் துபா​யில் நடை​பெற்ற சூப்​பர்-4 சுற்று முதல் ஆட்​டத்​தில் வங்​கதேசம், இலங்கை அணி​கள் மோதின.

முதலில் விளை​யாடிய இலங்கை அணி 20 ஓவர்​களில் 7 விக்​கெட்​கள் இழப்​புக்கு 168 ரன்​கள் குவித்​தது. இலங்கை அணி சார்​பில் பதும் நிஸங்கா 22, குசல் மெண்​டிஸ் 34, கமில் மிஷாரா 5, குசல் பெரேரா 16, சரித் அசலஙI்கா 21, கமிந்து மெண்​டிஸ் 1, வனிந்து ஹசரங்கா 2 ரன்​கள் எடுத்​தனர். தசன் ஷனகா சிறப்​பாக விளை​யாடி 37 பந்​துகளில் 64 ரன்​கள் (3 பவுண்​டரி, 6 சிக்​ஸர்) குவித்து ஆட்​ட​மிழக்​காமல் இருந்​தார்.

வங்​கதேச அணி தரப்​பில் முஸ்​டாபிசுர் 3, மஹேதி ஹசன் 2, டஸ்​கின் அகமது ஒரு விக்​கெட் வீழ்த்​தினர். பின்​னர் 169 ரன்​களை வெற்றி இலக்​காக கொண்டு விளை​யாடிய வங்​கதேச அணி 19.5 ஓவர்​களில் 6 விக்​கெட் இழப்​புக்கு 169 ரன்​கள் குவித்து வெற்றி கண்​டது. அந்த அணி​யின் சைஃப் ஹசன் 61, கேப்​டன் லிட்​டன் தாஸ் 23, டவ்​ஹித் ஹிர்​டோய் 58, ஷமிம் ஹொசைன் 14, ஜாகேர் அலி 9 ரன்​கள் எடுத்​தனர்.

இந்த ஆட்​டத்​தில் தோல்வி கண்​டது குறித்து இலங்கை அணி கேப்​டன் சரித் அசலங்கா கூறிய​தாவது: இந்த ஆட்​டம் கடைசி வரை மிக​வும் பரபரப்​பாக இருந்​தது. ஆட்​டத்தை நாங்​கள் கடைசி ஓவர் வரை கொண்டு சென்​றோம். பேட்​டிங்​கின்​போது நாங்​கள் 10 முதல் 15 ரன்​கள் வரை குறை​வாக எடுத்​து​விட்​டோம். இதனாலேயே தோல்வி கண்​டோம். கடைசி 2 ஓவர்​களில் சிறப்​பாக செயல்​பட்​டிருந்​தால் வெற்றி எங்​கள் பக்​கம் வந்​திருக்​கலாம். தசன் ஷனகா அபார​மாக விளை​யாடி​னார். வரும் போட்​டிகளில் சிறப்​பாக செயல்​பட்டு மீண்டு வரு​வோம். இவ்​வாறு அவர்​
தெரிவித்​தார்​.