எ.வ.வேலுவை எதிர்த்து வென்றால் அமைச்சர் பதவி? - திருவண்ணாமலைக்கு எடப்பாடியாரின் அதிரடி ஆஃபர்!

தனக்கு ஒதுக்கப்பட்ட வடக்கு மண்டலத்தில் தனது கட்டுப்பாட்டில் வரும் 41 தொகுதிகளிலும் திமுக-வை ஜெயிக்க வைக்க வேண்டும் என மெனக்கிட்டு வருகிறார் அமைச்சர் எ.வ.வேலு. ஆனால், வேலுவை வெல்பவர்களுக்கு அமைச்சர் பதவி தரப்படும் என அதிமுக பொதுச்செயலாளர் பழனிசாமி தனது கட்சியினருக்கு அதிரடி ஆஃபர் கொடுத்திருப்பதாகச் சொல்கிறார்கள்.

அண்​மை​யில் சேலத்​தில் நடை​பெற்ற திமுக தேர்​தல் பணிக்​குழு கூட்​டத்​தில் கலந்து கொண்டு பேசிய அமைச்​சர் எ.வ.வேலு, “ஒரு காலத்​தில் சேலம் மாவட்​டத்​தில் எப்​படி இருந்த திமுக-வை இப்​போது எப்​படி வைத்​திருக்​கிறீர்​கள்? என்​னுடைய தொகு​தி​யில் வந்து பாருங்​கள். அங்கே என்னை மீறி யாராவது ஜெயித்​து​விட முடி​யு​மா? அந்​தளவுக்கு பக்​கா​வாக வைத்​திருக்​கிறேன் எனது திரு​வண்​னாமலை தொகு​தி​யை” என்று தம்​பட்​டம் அடித்​தார்.

வேலு​வின் இந்த சுயசரிதைப் பேச்சை திமுக-​வினர் சீரியஸாக கேட்​​டார்​களோ இல்லையோ... ஆனால் அதி​முக-​வினர், வேலு​வின் பேச்​சைக் குறிப்​பெடுத்து அதை அப்​படியே கொண்டு போய் பழனி​சாமி​யின் காதில் போட்​டிருக்​கி​றார்கள். இதைக் கேட்டு சுளீர் ஆன பழனி​சாமி, “ஜெ​யிக்​கவே முடி​யாத அளவுக்கு அவரென்ன கருணாநி​தி​யா..?” என்று கேட்​டதுடன், “தன்னை யாராலும் ஜெயிக்க முடி​யாதுன்னு வேலு சொல்​றாருல்​ல... அவரை ஜெயிக்​கிற மாதிரி​யான பலமான வேட்​பாளரை நம்ம இந்த முறை நிறுத்​துறோம். வேலுவை ஜெயிக்​கிறவ​ருக்கு அமைச்​சர் பதவி கொடுக்​கி​றோம்” என்று சொன்​ன​தாக சேலம் அதி​முக வட்​டாரத்​தி​லிருந்தே ஒரு தகவல் கசிகிறது.

இதுகுறித்து நம்​மிடம் பேசிய திரு​வண்​ணா​மலை மாவட்ட அதி​முக-​வினர், “தி​முக தலை​மைக்கு மிக நெருக்​கமா இருக்​கிற எ.வ.வேலு கட்​சிக்கு கஜா​னா​வாக​வும் இருக்​கி​றார். அதனால் அவரை வீழ்த்த வேண்​டியது அதி​முக-வுக்கு மிக முக்​கிய​மான பணி. திரு​வண்​ணா​மலை தொகு​தியை தங்​கத்​தால் இழைத்து வைத்​திருப்​பது போல் தம்​பட்​டம் அடிக்​கி​றார் வேலு. ஆனால், அங்​கே​யும் பாதாளச் சாக்​கடை திட்ட செயல்​பாடு தொடங்​கி, அண்​ணா​மலை அடி​வாரத்​தில் வசிக்​கும் மக்​களை வெளி​யேற்​றும் பிரச்​சினை வரை அவருக்கு எதி​ராக தேர்​தலில் எதிரொலிக்க தயா​ராய் இருக்​கிறது.

வேலுவை எதிர்த்து இப்​போதைக்கு முன்​னாள் அமைச்​சர்​களான அக்ரி கிருஷ்ண​மூர்த்தி அல்​லது எஸ்​.​ரா​மச்​சந்​திரனை நிறுத்​தும் யோசனை​யில் இருக்​கிறது தலை​மை. இவர்​களில் யாரை நிறுத்​தி​னாலுமே போட்டி கடுமை​யாகத்​தான் இருக்​கும். ஏனென்​றால், 2011-ல் எ.வ.வேலுவை எதிர்த்து நின்ற எஸ்​.​ரா​மச்​சந்​திரன் சுமார் 5 ஆயிரம் வாக்​கு​களில் தான் தோற்​றார். அக்ரி கிருஷ்ண​மூர்த்தி நின்​றால் அவரின் அதிரடிகளுக்​குப் பயந்தே கட்​சிக்​காரர்​கள் வேலை செய்​வார்​கள்” என்​ற​னர்.

இதுகுறித்து பேசிய திரு​வண்​ணா​மலை திமுக-​வினரோ, “திரு​வண்​ணா​மலை என்​றைக்​குமே திமுக-​வின் கோட்​டை​தான். இதை அமைச்​சர் எ.வ.வேலு திமுக-​வின் எஃகு கோட்​டை​யாகவே மாற்றி வைத்​திருக்​கி​றார். இந்​தத் தொகு​திக்கு தேவை​யான அனைத்​தை​யும் செய்​திருப்​ப​தால் தான் தொடர்ந்து மூன்​றாவது முறை​யாக இங்கே அவர் வென்​றிருக்​கி​றார். அவரது மக்​கள் செல்​வாக்​கிற்கு மத்​தி​யில் எதிர்த்து நிற்க முடி​யாது என்று தெரிந்​து​தான் அதி​முக தரப்​பில் அனை​வ​ரும் தலை தெறிக்க ஓடு​கி​றார்​கள். அவர்​களை இழுத்து நிறுத்​தத்​தான் எடப்​பாடி பழனி​சாமி ஆஃபர் அறி​வித்​திருக்​கி​றார் போலிருக்​கிறது” என்​கி​றார்​கள்.

வேலுவை வீழ்த்​துகிறவர்​களுக்கு அமைச்​சர் பதவி கொடுக்​கப்​படும் என பழனி​சாமி அறி​வித்​தா​லும் வேலுவை விட அதி​முக உட்​கட்​சிப் பூசல்​களுக்​குப் பயந்தே அதி​முக முன்​னாள் அமைச்​சர்​கள் இரு​வ​ரும் தேர்​தலில் போடி​யிடும் ஆர்​வமே இல்​லாமல் இருப்​ப​தாகச் சொல்​கி​றார்​கள். இதுகுறித்து விளக்​கமறிய திரு​வண்​ணா​மலை கிழக்கு மாவட்ட அதி​முக செய​லா​ள​ரும் முன்​னாள் அமைச்​சரு​மான எஸ்​.​ரா​மச்​சந்​திரனை தொடர்பு கொண்​டோம். அவர் நமது அழைப்பை ஏற்​காத​தால் திரு​வண்​ணா​மலை நகர அதி​முக செய​லா​ளர் ஜெ.எஸ்​.செல்​வத்​திடம் பேசினோம். “சார், இங்கு யாரை நிறுத்த வேண்​டும் என்று எங்​கள் பொதுச்​செய​லா​ளர் முடிவு செய்​வார். என்ன நடக்​கிறதென்று பொறுத்​திருந்து பாருங்​கள்” என்​றார் அவர்.

திரு​வண்​ணா​மலை​யில் நான்​காவது முறை​யாக​வும் எ.வ.வேலு​வுக்கு வெற்​றிக்​கனி கைக்கு எட்​டு​மா... அல்​லது பழனி​சாமி​யின் அமைச்​சர் ஆஃபருக்கு ஆள் சிக்​குமா என்​ப​தை​யும் பொறுத்​திருந்​து​தான் பார்​க்க வேண்​டும்.